Social Proof எனும் உளவியல் யுக்தி

Last updated on January 11th, 2024 at 06:12 pm

Social Proof என்பது மனிதனுடைய உளவியலுடன் தொடர்புடையதாகும். தனியொரு மனிதன் எடுக்கும் தீர்மானத்தில் சமூகத்தில் உள்ள பெரும்பாலான மனிதர்கள் எடுக்கும் தீர்மானத்தின் செல்வாக்கு இருக்கும் என்ற மனிதனுடைய உளவியல் நிகழ்வு Social Proof ஆகும்.

சமூகத்தில் உள்ள பெரும்பாலான மனிதர்கள் எதை விரும்புகிறார்களோ? தனியொரு மனிதனும் அதையே விரும்புவான். பெரும்பாலான மனிதர்கள் எப்படிச் செயற்படுகிறார்களோ தனி மனிதனும் அப்படியே செயற்படுவான். Social Proof எனும் இந்த உளவியலை சமூகத்தில் பல்வேறுபட்ட சந்தர்ப்பங்களில் நீங்கள் அவதானிக்கலாம்.

உதாரணம் ஒன்றின் மூலமாக சொல்லும் போது Social Proof எனும் உளவியல் நிகழ்வை உங்களால் இலகுவாக புரிந்து கொள்ளக்கூடியதாக இருக்கும்.

நீங்கள் பொருட்கள் வாங்குவதற்காக செல்கிறீர்கள் என்று வைத்துக்கொள்வோம். ஒரே மாதிரியான இரண்டு கடைகள் உங்கள் எதிரில் இருக்கின்றன. ஒரு கடையில் அதிகமான மக்கள் கூட்டம் இருக்கின்றது. அங்கே பொருட்களும் அதிகமாகவே விற்பனை செய்யப்படுகின்றது. மற்ற கடையில் மக்கள் இல்லை பொருட்கள் விற்பனையும் இல்லை.

இந்தச் சந்தர்ப்பத்தில் எங்கே சென்று பொருள் வாங்குவதற்கு உங்களுடைய மனம் விரும்பும். பெரும்பாலான நபர்கள் மக்கள் அதிகமாக பொருட்கள் வாங்குகின்ற கடைக்கு சென்று பொருளை வாங்குவதற்கு விரும்புவார்கள். யாரும் பொருட்கள் வாங்க ஆர்வம் காட்டாத கடைக்கு சென்று பொருட்களை வாங்க விரும்ப மாட்டார்கள்.

இரண்டும் ஒரே மாதிரியான பொருட்களை கொள்வனவு செய்யும் கடையாக இருந்தாலும் மக்கள் அதிகமாக ஒரு கடைக்கு செல்லும் போது அந்த கடை பெறுமதி கூடியதாக சிறந்ததாக நம்முடைய மனதில் தோன்றும். இதனால் நாமும் அதே கடையைத்தான் நாடிச்செல்வோம். இதனை Social Proof-இற்கு ஒர் உதாரணமாக எடுத்துக்கொள்ளலாம்.

நேரடியாக நமது கடைதான் சிறந்தது என்று வாயால் சொல்லாமல் சமூகத்திலுள்ள நிறைய மனிதர்கள் கடைக்கு வருவதைக் கொண்டு அந்த கடைதான் சிறந்தது என்று சமூகத்தில் உள்ள மக்கள் மூலமாகவே Proof செய்யப்படுகின்றது என்றும் சொல்லலாம்.

Social Proof என்ற உளவியல் பற்றி முதன் முதலில் Robert Cialdini என்பவரால் சொல்லப்பட்டது. Robert Cialdini 1984-இல் எழுதிய Influence எனும் புத்தக்தில் Social Proof பற்றிச் சொல்லியிருக்கின்றார்.

Social Proof உளவியலின் பயன்பாடு

Social Proof எனும் உளவியல் சமூகத்தில் நிறைய இடங்களில் பயன்படுகின்றது. இது ஒரு Marketing யுக்தியாக பெருமளவில் பயன்படுத்தப்படுகின்றது. Social Proof ஆனது Marketing-இற்காக பயன்படுவதை நிறைய இடங்களில் நம்மால் அவதானிக்கக்கூடியதாக இருக்கும்.

சமூகவலைத்தளங்கள்

இன்றைய உலகில் சமூக வலைத்தளங்கள் மார்க்கெட்டிங் செய்வதற்கு சிறந்த தளமாக அமைகின்றது. சமூக வலைத்தளங்களில் அதிகமாக Followers, Likes வைத்திருப்பது மற்றும் அதிகமாக பகிர்வுகளை மேற்கொள்வது போன்றனவும் Social Proof மூலமாக ஒரு நிறுவனத்தை வளர்ப்பதற்கு உதவும்.

ஒரே மாதிரியான சேவைகளை வழங்கும் இரண்டு நிறுவனங்கள் உள்ளன. ஒரு நிறுவனத்திற்கு 5M Followers இருக்கின்றார்கள். மற்றைய நிறுவனத்திற்கு 100k Followers இருக்கிறார்கள். இதில் எந்த நிறுவனத்தின் சேவையை நீங்கள் பெற்றுக்கொள்வீர்கள். 5M Followers வைத்திருக்கும் நிறுவனத்தையே பலர் நாடுவார்கள்.

இதற்கான காரணம் ஏற்கனவே அந்த நிறுவனத்தை 5M பேர் Follow செய்வதால் அதன் மேலான நம்பிக்கையும் பெறுமதியும் அதிகமாகவே இருக்கும். இதே போல ஒரு விடயம் அதிகமான நபர்களால் சமூகவலைத்தளங்களில் பகிரப்படும்போது நீங்களும் பகிர்வீர்கள். அதற்கான காரணம் நிறைய பேர் செய்கிறார்கள் அதனால் நாமும் செய்வோம் என்ற எண்ணம் தான். சமூக வலைத்தளங்களில் இவ்வாறான Social Proof நிகழ்வுகள் நிறையவே நடைபெறுகின்றன.

Rating & Reviews

இணையத்தில் ஒரு பொருளை வாங்கும் போது அல்லது ஒரு செயலியை (App) நிறுவும் போது அதனுடைய Rating மற்றும் Reviews பார்க்காமல் பெரும்பாலானோர் வாங்கவோ செயலியை நிறுவவோ மாட்டார்கள்.

மற்றவர்கள் ஒரு பொருளை பற்றி என்ன சொல்லியிருக்கிறார்கள். மற்றவர்கள் எவ்வளவு Rating கொடுத்திருக்கிறார்கள் என்பதை வைத்தே அந்த பொருளை வாங்குவதா? அல்லது வாங்க வேண்டாமா? என தீர்மானிக்கின்றோம்.

அதே போல அதிகமான நபர்களால் ஒரு App Install செய்யப்பட்டிருந்தால் உடனே நாமும் அதனை Install செய்து பயன்படுத்துவோம். என்னதான தரமான செயலியாக இருந்தாலும் அதனை பயன்படுத்துபவர்கள் குறைவாக இருந்தால் நாம் அந்த செயலியை கண்டுகொள்ள மாட்டோம்.

ஆகவே, நாம் ஒரு வணிகம் செய்கின்றோம் என்றால் Rating மற்றும் Reviews பற்றி கவனத்தில் எடுத்துக்கொள்வது நமது வணிகத்தை வளர்ப்பதற்கு உதவும்.

விளம்பரங்கள்

பொதுவாகவே விளம்பரங்களிலும் Social Proof யுக்தியை அடிக்கடி பயன்படுத்துவார்கள். விளம்பரங்களில் கூறும் வசனங்களாக வைத்தியர்கள் பரிந்துரை செய்கிறார்கள், இத்தனை பேர் நமது பொருளை பயன்படுத்துகிறார்கள் போன்ற மாதிரியானவை இடம்பெற்றிருக்கும்.

இதற்கான காரணம் இத்தனை பேர் பயன்படுத்துகிறார்கள், பரிந்துரை செய்கிறார்கள் என்று சொல்வதன் மூலமாக நம்மையும் அவர்களுடைய பொருளை வாங்கி பயன்படுத்துவதற்கு தூண்டுகிறார்கள். இதுவும் ஒருவிதமான Social Proof யுக்திதான்.

Influencer Marketing

நிறுவனங்கள் தமது பொருட்களை, சேவைகளை விளம்பரப்படுத்துவதற்காக பிரபலங்களின் மூலமாக விளம்பரப்படுத்துவார்கள். உதாரணமாக பொருளைப்பற்றி பிரபலங்கள் மூலமாக சமூகவலைத்தளங்களில் வீடியோவாக வெளியிடுவார்கள்.

இதற்கான காரணம் பிரபலங்களை நிறைய மக்கள் பின்தொடர்வார்கள். அப்படி பின்தொடர்பவர்களை தமது நிறுவனத்தின் பொருட்களை சேவைகளை பயன்படுத்த வைக்க வேண்டும் என்ற நோக்கத்திற்காகவே.

பிரபலங்கள் ஒரு பொருளை பயன்படுத்தும் போது அவர்களே அதனை பயன்படுத்துகிறார்கள் நாமும் பயன்படுத்த வேண்டும் என்றுதான் மக்கள் யோசிப்பார்கள். இதனால் நிறுவனங்களின் விற்பனை அதிகரிக்கும். இதுவும் ஒருவிதமான Social Proof யுக்தியை பயன்படுத்தி செய்யப்படும் சந்தைப்படுத்தல்.

பயனர்கள்

சில நிறுவனங்கள் எந்த விளம்பரப்படுத்தல்களும் செய்யமாட்டார்கள். ஆனால் அவர்களுடைய பெயர் உலகளவில் எல்லோருக்குமே தெரியும். அவர்களுடைய பொருளை பயன்படுத்துபவர்களே விளம்பரப்படுத்தல்களை மேற்கொள்பவர்களாக அமைந்துவிடுவார்கள்.

உதாரணமாக அப்பிள் நிறுவனத்தை சொல்லலாம். பெரும்பாலானோருக்கு iphone வாங்கி பயன்படுத்த வேண்டும் என்ற ஆசை இருக்கும். இதற்கு காரணம் என்ன? iphone வைத்திருப்பவர்களிற்கு சமூகத்தில் அவர்களுடைய iphone இற்கு மதிப்பு இருக்கின்றது. iphone வைத்திருப்பது கெத்து என பலரும் நினைக்கிறார்கள்.

இதனை பார்க்கும் நபர்கள் நாமும் iphone வாங்கி பயன்படுத்தினால் நமக்கும் மதிப்பு வரும் என்ற எண்ணம் உருவாகிறது. இந்த உதாரணம் Social Proof இற்கு சிறந்த உதாரணமாக இருக்கும் என நினைக்கிறேன்.

நமது வளர்ச்சிக்காக பயன்படுத்தலாம்

Social Proof மூலமாக எப்படி சந்தைப்படுத்தல் (Marketing) மேற்கொள்ளப்படுகிறது என்ற சில உதாரணங்களைப் பார்த்தோம். நாம் ஒரு வணிகம் ஆரம்பிக்கின்றோம் என்றால் Social Proof நுட்பத்தைப் பயன்படுத்தி நிறையப்பேரிடம் வணிகத்தை கொண்டுபோய்ச் சேர்க்கலாம்.

மார்க்கெட்டிங் தவிர வேறு விதமாகவும் Social Proof யுக்தியை நமக்காக பயன்படுத்திக்கொள்ளலாம். நம்முடைய மதிப்பை அதிகரிப்பதற்கு Social Proof யுக்தியை பயன்படுத்திக்கொள்ளலாம்.

ஒருவரை நிறைய பேர் பின்பற்றுகிறார்கள். அவருடன் கதைப்பதற்கு விரும்புகிறார்கள். அவரை மதிக்கிறார்கள். அப்படியிருக்கும் போது புதிதாக வருகின்ற நபரும் அவருடன் கதைப்பதற்கு ஆசைப்படுவார், அவர் மேல் ஒர் மதிப்பு இருக்கும்.

இதற்கான காரணம் ஏற்கனவே நிறையப்பேர் அவரை பின்பற்றுவதால் அவரிடத்தில் ஏதோவொரு பெறுமதியிருக்கின்றது என எண்ணம் எல்லோருக்குமே தோன்றுவதுதான்.

நமக்கான மதிப்பை உருவாக்குவது போலவே ஒருவரை காதலிக்கச் செய்வதிலும் Social Proof எனும் உளவியல் யுக்தியை பயன்படுத்தலாம் என்றும் சுவாரஷ்யமாகச் சொல்லலாம். காதலிப்பதில் என்ன Social Proof இருக்கிறது என்று நீங்கள் கேட்கலாம். ஆனால் காதலில் Social Proof எனும் யுக்தியை பயன்படுத்தி ஒருவரை காதலிக் வைக்கலாம்.

இது நம்மைச் சுற்றியே நடக்கின்ற நிகழ்வுதான். ஒரு பெண்ணின் பின்னால் நிறைய ஆண்கள் அவளுக்காகச் சென்றால் அவளுக்கான பெறுமதி உயர்கிறது. அதுவரை அவளை பார்த்திருக்காதவர்கள் கூட அவள் தன்னை காதலிக்க வேண்டும் என்று ஆசைப்படுவார்கள்.

இது நமது வாழ்க்கையிலும் நடந்திருக்கலாம். ஒருவரின் பின்னால் பலர் சென்றால் அவருக்கான பெறுமதி உயர்ந்துவிடுகிறது. பலர் அவர் பின்னால் செல்லும் போது அவரிடம் ஏதோவொரு பெறுமதி இருப்பதாகவே தோன்றும். கேட்பதற்கு சுவாரஷ்யமாக இருந்தாலும் இது உண்மை.

Social Proof யுக்தியை உளவியல் யுக்தி அல்லது மார்கெட்டிங் யுக்தி என்று எப்படி வேண்டுமானாலும் சொல்லலாம். நமது சமூகத்தில் நிறைய இடங்களில் Social Proof யுக்தி பயன்படுத்தப்படுகிறது.

நாமும் Social Proof உளவியல் யுக்தியை புரிந்துகொண்டு நமக்காக பயன்படுத்திக்கொள்ளலாம்.

Share

You may also like...

Subscribe
Notify of
guest

1 Comment
Newest
Oldest Most Voted
Inline Feedbacks
View all comments

Discover more from Tamil Blog

Subscribe now to keep reading and get access to the full archive.

Continue reading